Disa kohë më parë, i ftuar në “Prive”, Robert Berisha rrëfeu se një nga ëndrrat e tij më të mëdha ishte të kishte një emision të vetin, të orëve të vona. Dhe me sa duket kjo ëndërr është bërë realitet.
Në një postim në llogarinë e tij në Instagram, ai ka treguar se emisioni është afër finalizimit dhe se do të nisë së shpejti në Klan Kosova.
Ai nuk dha një datë të saktë se kur, përveçse emisioni i tij i ri do të titullohet “Robi plaket kur don vet”. Nga emri i emisionit duket se do të ketë një natyrë argëtuese, ashtu si dhe humori që karakterizon Robertin.
