Së fundmi mori vëmendje të madhe mediatike një fotografi ku shfaqej aktori Robert Pattinson dhe Taylor Swift në një takim bashkë me partnerët përkatës. Pas këtij momenti përveç faktit që miqësia e tyre u komentua shumë, fansat nisën të pyesnin për Katy Perry-n.
Në parantezë për ata që nuk e dinë, këngëtarja e njohur dhe Taylor kanë një armiqësi të fortë prej vitesh dhe gjërat nuk janë rregulluar mes tyre, por kanë mbetur stabël. Nga ana tjetër, Robert është mik shumë i afërt me Katy-n dhe ky takim pritej të shkaktonte trazira. Megjithatë nuk ka ndodhur kështu. Sipas ‘Hollywood Life’, këngëtarja nuk ndihet aspak keq për miqësinë e re që ka nisur dhe siç duket, të paktën nga ana e saj gjërat janë shumë më të qeta se dikur.
Por a do të ketë një pajtim të saj me Taylor Swift në të ardhmen? Gjasat janë të vogla. /revistawho.com
