Blerja e klikimeve nga disa prej artistëve shqiptar është kthyer tashmë në një trend dhe njësi matëse për suksesin e një këngë apo projekti të ri muzikor. Në shumicën e rasteve këto shifra nuk janë aspak reale dhe në përputhje me pëlqyeshmërinë e këngës nga publiku.
Lidhur me këtë çështje, këngëtarja Ronela Hajati ka vendosur të ironizojë kolegët e saj nëpërmjet një statusi të publikuar në rrjetet sociale. “A ju del llogaria me këto klikimet që blini? Kot po pyes, se mua nuk më del. 4 milion në ditë as Rihanna nuk i bën more vëllezër e motra, apo çfarë është Rihanna përpara nesh thuaj…”-ka shkruar Ronela.
Ky koment i këngëtares vjen fill pas publikimit të i klipit të saj të fundit me këngën, “Do ta luj”, një material ndryshe nga të tjerët por shumë ritmik dhe i përshtatshëm për stinën e verës./revistawho.com
