Këngëtarja Ronela Hajati njihet për shpirtin e saj rebel dhe natyrën moskokëçarëse, megjithatë edhe ajo e ka një pikë të dobët. Këngëtarja e ka humbur babain e saj shumë vite më parë dhe ka folur shpesh për lidhjen e fortë që kishte me të. Në orët e para të mëngjesit, pasi ka mbaruar xhirimet e projektit të saj më të ri, Ronela është përmalluar për babain e saj të cilin e kishte mbështetje kryesore. Ajo ka publikuar një video teksa i jep makinës dhe në sfond dëgjohet kënga e Eneda Tarifës “Ëndrrat do t’i marr me vete”. ““Je ëngjëll ti je drita ime Babi”, ka shkruar Ronela krah videos, duke i prekur të gjithë ndjekësit. Kujtojmë se nesër pritet të publikohet kënga e Ronelës me Dj Sardin për ekipin e Tiranës dhe mê pas do të vijë “Aventura”, projekt që Ronela e ka shumë përzemër.
