Mbrëmjen e sotme, Roza Lati është ftuar në emisionin e Rudina Xhungës në ‘News 24’. Tema për të cilën ajo është bërë pjesë e panelit të të ftuarve është ‘Seksi dhe Nderi’. Sigurisht gjatë bisedës dashje pa dashje janë prekur edhe shumë tema të tjera. Në debat e sipër, teksa flitet për divorcin dhe dhunën në familje, Roza Lati pranoi se në fëmijëri ka qenë e pranishme në një problematikë të ngjashme.
“Kam qenë në një situatë të tillë. Unë kam qenë e vogël dhe kam parë konflikte mes prindërve të mi. Kam parë nënën time në këtë situatë”,-pranoi ajo pa dhënë shumë detaje. Më tej u shpreh se gjithçka ka kaluar e ka bërë atë që është sot dhe njëherë tjetër theksoi se dashuria për nënën e saj është e pakufijtë dhe për të është personi më i rëndësishëm. Kujtojmë se prindërit e Rozës janë ndarë kur moderatorja ishte ende fëmijë dhe disa vite më vonë babai i saj ndërroi jetë./revistawho.com
