Përralla e dashurisë midis Alba Pariettit dhe Christopher Lambert mbaroi shpejt. Përpara se të shkaktonte vuajtje. Aktorja 54-vjeçare flet me siguri: “Ndodhi që pas 20 vjetësh e rigjetëm njëri-tjetrin, dhe i dhamë hapësirë atij mendimi që të rri gjithmonë në kokë ‘kushedi si do të kishte qenë nëse…’. Por kuptuam vetëm se nuk do të kishte qenë asgjë”. Ajo ka folur e ftuar në programin “Domenica In”, duke kujtuar kohët kur u lidh për herë të parë me aktorin në një verë në fund të viteve ’90. “Tani ai më dhuroi 4 muaj emocioni absolut dhe argëtimi. Ai është tip që të merr me vete, i përdor fjalët pa menduar gjatë, të thotë të dua dhe menjëherë kërkon të martohesh me të. E bëri 20 vjet më parë, dhe e bëri sërish tani”, tregoi Alba. Mirëpo kjo e sotmja është një Alba tjetër. Duke filluar që nga dhoma e gjumit: “Seksi më ka kushtëzuar shumë, sidomos kur isha e re. Ka ndikuar shumë tek unë sepse kam rënë pre e tij dhe kam qenë edhe pak skllave. Tani them që jam liruar, në kuptimin që e praktikoj por me shkëputje të mëdha”.
