Navina Bole është modele indiane e kthyer në aktore, profesion i cili e ka bërë të njihet në shumë vende të botës falë suksesit të serialit “Bixhoz me dashurinë”. Tek ky serial ajo luan rolin e Tias e cila është partnerja e personazhit kryesor, Shivait. Fillimisht Tia ka një rol pozitiv por më pas atë do e shohim në rol negativ. Në një intervistë aktorja është shprehur se nuk e gjen veten tek roli i saj, por ka diçka me të cilën përputhen. “Si rolet pozitive, edhe negative të japin eksperiencë. Të luash rol pozitiv ke avantazhin që të shprehësh vetveten kurse për të luajtur role negative duhet të mësosh sjelljet e një personi negativ dhe të keq. Unë nuk përputhem me karakterin e Tias në jetën reale, por ashtu si ajo edhe unë besoj tek energjia e universit. Besoj se pas çdo të keqe ka një të mirë dhe jeta ka ulje ngritje”, ka rrëfyer Navina Bole./revistawho.com
