Një rrëfim intim ka dhënë për të përjavshmen “Grazia” në Itali, këngëtari i famshëm Tiziano Ferro. Ai ka folur si rrallëherë për homoseksualitetin e tij, dashurinë e të ardhmen. Këngëtari ka deklaruar se është beqar e në kërkim të një partneri por jo me çdo kusht: “Nuk bëhem keq edhe nëse nuk vjen, unë nuk koleksionoj historiçka”. Ndërsa sa i takon martesës ai shprehet: “E kam kaluar pjesën më të madhe të jetës sime, duke menduar se kjo do të ishte e pamundur për mua. Por tani sigurisht që e mendoj”.
Më tej Tiziano ka rrëfyer edhe për vështirësitë e mëdha që ka kaluar.
“Në moshën 28 vjeçare nisa seancat tek psikologu sepse nuk po jetoja dot më. Brenda dy vitesh kuptova se isha homoseksual dhe në kulmin e karrierës time vendosa t’ia them të gjithëve. Ndjeja siklet. Isha 25 vjeç. Isha I njohur dhe bëja punën që doja por nuk arrija të kisha të njëjtat eksperienca të bashkëmoshatarëve të mi. Kjo më peshonte. Frekuentoja lokalet e Romës e Milanos, tentoja të bëja miqësi, tentoja të dukesha “cool” e dëshiroja të jepja një model jetese që nuk më përkiste. Isha i palumtur”.
Në këtë pikë ai u largua nga Italia dhe për tri vite qëndroi në Meksikë, duke u përpjekur të kishte lidhje edhe me femra.
“Por në të vërtetë unë nuk kam dyshime, jam shumë i qartë, jam gei! E vërteta është që besoja se isha në rrugën e duhur, e shumë vonë u binda se jam gei pikërisht sepse i dua thellësisht gratë”.
Ferro u shpreh më tutje se tani kërkon shpirtin binjak.
“Herë pas herë miqtë e mi më prezantojnë ndonjërin. Më thonë ‘ky është perfekt për ty’. Nuk funksionon kurrë. Deri pak kohë më parë unë në çift isha mospërfillës, nuk arrija të thoja gjithçka që mendoja. Ndaj një difekt merrte përmasa gjigande. Tani preferoj të mos i pëlqej por të jem i ndershëm”./ revistawho.com
