RREFIMI/ Valbona Selimllari hap zemrën: Ja çfarë ëndërroj për fëmijët e mi, vajzën nuk do e bëj Miss!

Si rrallëherë, e bukura Valbona Selimllari është ulur në divanin e një studioje televizive dhe ka treguar për jetën e saj. E ftuar në programin e Rudina Magjistarit, ajo ka folur pak më parë “live” për të shkuarën, fëmijët, familjen e ëndrrat që ka thuruar për të ardhmen e të vegjëlve. Me titullin e përjeshtshëm “Miss-i i parë shqiptar”, këtu e pati edhe zanafillën biseda midis Rudinës dhe Valbonës. Përmes pamjeve dhe kujtimeve të Bobit, risollën edhe një herë në vëmendjen e publikut vitet e para kur në skenën e ekranin shqiptar, ecnin hijshëm vajza me bikini, kohë që Miss-i i quajti të vështira për shkak të paragjykimeve. Më tej biseda u përqendrua tek ajo që Valbona është sot, një nënë e përkushtuar dhe e lumtur. Ajo ndau me Rudinën dhe teleshikuesit dëshirat që uron për tri fëmijët e saj, duke përshkruar edhe pak nga karakteri i tyre. Duke qenë se imazhin e së bijës Valbona e ka ruajtur nga sytë e kuriozëve, Magjistari zbulon se e vogla është shumë e bukur, aq sa nëna e saj. Por megjithëkëtë ajo nuk do të bëhet Miss, pasi mami Bobi nuk do. “Mëmësia është gjëja më e bukur që më ka ndodhur. Unë jam një mama autoritare. Nuk do ta bëj Miss vajzën. Nuk dua që fëmijët e mi të shfaqen nëpër ekrane. Mundohem t’i flas për vlerat e ata t’i përkushtohen shkollës. Kur të bëhen 18 vjeç janë të lirë të zgjedhin nëse duan të bëhen të famshëm”, ka thënë ajo. Dhe me gjasë nuk do të jenë vendime të papritura duke qenë se siç thotë Selimllari, ata që tani ka shfaqur përkushtim e talent. “Kanë shumë personalitet, më pëlqen kur më kundërshtojnë dhe kanë argument. Merren me sport. Dua që Deni të bëhet arkitekt sepse është shumë sistematik në mësime dhe estetik gjithashtu”, është shprehur Selimllari.