Rudina Magjistari drejton prej kohësh programin e njohur të pasdites, ‘Rudina’, ku e shohim të shfaqet në formë perfekte. Përveç temave shumë interesante që trajtohen në program dhe të ftuarve specialë, publiku sidomos ai femëror, me siguri analizon me detaje edhe veshjet e moderatores, të cilat duhet thënë se janë gjithmonë të zgjedhura me kujdes dhe plot ngjyra.
Në profilin personal në ‘Instagram’, Rudina publikon shpesh foto nga puntatat përkatëse të programit duke na njohur me ‘look-un’ e ditës, por disa prej tyre dallojnë. E fundit që ka qenë shumë e veçantë ishte ajo e ditës së djeshme, ku Rudina shfaqet më sportive se kurrë nga mënyra si ka dalë në foto.
Por moderatorja ka publikuar edhe më parë shkrepje të tjera të ngjashme me të djeshmen. Fotot kanë një emërues të përbashkët që është buzëqeshja dhe pozitiviteti. Gjithashtu, në një pjesë të mirë të fotove, Rudina shfaqet me njërën këmbë të zhvendosur pas për të realizuar shkrepje të bukura.
Nëse edhe ju doni të dukeni aq të natyrshme dhe bukur në fotot tuaja sa Rudina ju sugjerojmë t’i hidhni një sy këtyre fotove për të marrë frymëzimin që ju duhet. /revistawho.com
