Eraldo Rexho / Nëse do të nisim të flasim për Sami Lekën, atëherë me patjetër do të na duhet të shfletojmë gjatë rreth punës dhe sukseseve të tij në këto 15 vite.
Karriera e tij filloi kur ai ishte 14-vjeç dhe pati mundësinë të ndiqte ‘Liceun Artistik Onufri’ në Elbasan, pas një konkurrimi, fitues i të cilit u shpall Samiu.
Pas një pune të palodhshme dhe talenti të pashtershëm, Leka fitoi në vitin 1998 bursën për studimet e pikturës në Akademinë e Arteve në Tiranë.
Për të gjithë ata që e mbajnë mend, Samiu nisi punën në televizionin e ‘BBF’, në vitin 2003, pozicion ky që do e përgatiste edhe më mirë për të gjitha sukseset e radhës.
Ai gjithashtu ka punuar si skenarist videoklipesh, por pozicioni real është editor dhe post production.
Nëse do të gërmojmë thellë në arkivat e televizionit ku ai ka punuar për kaq vite, do të zbulojmë një sërë produksionesh, videoklipesh të cilat ju besuan atij. Leka ka fituar disa çmime kombëtare dhe ndërkombetare.
Ai është vlerësuar për produksione të ndryshme si edituesi më i mire i videove. Më poshtë ju sjellim disa prej tyre:
Alban Skenderaj-Afër dhe larg
Alban Skenderaj-Mirë se vjen në shpirtin tim
Elvana Gjata ft 2po2-Beso
Vagabondi-Nënat shqiptare
Flori Mumajesi-Pa jetë
Leonora Jakupi-Vajza e kojshisë
Aurela Gaçe-Tranzit
Rozana Radi-Për me pas një Roze
Stine ft Ingrid Gjoni-Relax
Anxhela Peristeri ft Marcus Markado-Bye Bye
Çiljeta ft Ingrid gjoni-Mike dhe rivale
Anjeza Shahini-Lot pendimi
Ingrid Gjoni-Jek e jek
Leka ka bashkëpunuar gjithashtu dhe me studio të tjera prestigjioze si ‘Ministria e Komunikimit’, ‘Real Tv’, ‘Ora News’ etj.
Në festivalin ‘Netët e Klipit Shqiptar’, është vlerësuar me çmime të ndryshme për videot muzikore të realizuara nga vetë ai. Ky suksese shpjegon dhe pse këngëtarët kanë zgjedhur gjithmonë punën e tij.
Leka ka punuar gjithashtu dhe me artistë internacionalë si Bleona Qereti, Saad Ramadan, Diem, Tus, Obie Kellz dhe shumë emra të tjerë të njohur.
Nga një gamë e gjerë videoklipesh të realizuara, por dhe bashkëpunimesh, mund të themi pa frikë se puna e tij ka arritur të dallohet nga të gjithë.
Vlen për t’u përmendur se Samiu ka marrë pjesë dhe në produksionin e këngëve të zgjedhura për ‘Eurovision’ si: ‘Zemrën e lamë peng’ nga Olta Boka, ‘Feel the pasion’ nga Aurela Gaçe dhe Eneda Tarifa me ‘Fairytale’.
Të gjitha produksionet që mbajnë vulën e Samiut kanë arritur një sukses të jashtëzakonshëm dhe tani e kemi mëse të qartë pse artistët shqiptarë zgjedhin gjithmonë të njëjtin emër./revistawho.com
