Para pak javësh bëri bujë në media ndarja e çiftit të njohur të showbizit botëror, Jennifer Aniston dhe Justin Theroux. Shumë fjalë u thanë për arsyen e divorcit mes tyre dhe shumë e besuan si të vërtetë faktin se pas ndarjes fshihej fakti që ata nuk ranë dakord mbi vendin ku do të jetonin së bashku për shkak të karrierës së tyre.
Por ish-bashkëshorti i Jennifer, sapo na zbuloi se ndarja paska ndodhur për tjetër arsye. Ai është fotografuar nën shoqërinë e një vajze shumë herë më të re, Petra Collins, e cila përveçse artiste është edhe një nga mikeshat më të mira të Selena Gomez.
Pavarësisht se një burim për ‘Daily Mail’ ka treguar që Justin e mohon një lidhje me 25 vjeçaren, ai në fakt duket i fiksuar pas saj. Kjo shpjegon disi edhe vuajtjen që po kalon momentalisht aktorja e njohur, e cila jo pak herë është fotografuar në gjendje të keqe./revistawho.com
