Disa gra kanë akuzuar publikisht aktorin e “Sex and the City”, Chris Noth për abuzim seksual. Problemet që po has aktori i njohur, kanë sjellë edhe një reagim nga Sarah Jessica Parker, burime pranë së cilës kanë zbuluar për Us Weekly, se ajo ndihet zemërthyer dhe e lënduar shumë nga çfarë po dëgjon.
“Ajo po përjeton shumë ndjesi. Është e rënduar, e inatosur, zemërthyer dhe po habitet që këto akuza dolën fiks sapo u lançua seriali”, shprehen burime pranë aktores. Mesa duket kjo situatë e ka prekur shumë, pasi për të qëllimi kryesor ka qenë përherë mbrojtja e grave dhe përcjellja e një mesazhi sigurie, por tashmë gra thonë që janë lënduar para syve të saj./revistawho.com
