Aktorja Sila Turkoglu, të cilën e shihni nga e hëna në të shtunë në TV Klan në “Amaneti” ka vendosur të largohet nga seriali që theu rekorde shikueshmëri e që e bëri të famshme jashtë kufijve të Turqisë. Seriali po xhiron sezonin e fundit në Turqi, por Sila, e njohur si Seher, nuk ka pranuar të shkojë në xhirime. Ajo ka akuzuar produksionin se ka punuar në kushte të vështira gjatë xhirimeve. Kompania i ka kërkuar aktores të vazhdojnë bashkëpunimin dhe për sezonin e fundit, por ajo nuk ka pranuar. Sipas mediave turke, Seher nuk ka shkuar në xhirime dhe është rikthyer në Izmir tek familja e saj. Thuhet se aktorja e ka braktisur serialin menjëherë dhe ka refuzuar rinovimin e kontratës. Sigurisht një veprim i tillë nuk është pritur mirë nga fansat, të cilët dëshironin ta shihnin aktoren në sezonin e fundit e që do të shënonte një mbyllje të bukur historie të Seherit dhe Jamanit.
Kujtojmë që në TV Klan jemi ende në sezonin 2 të serialit prandaj Seherin do ta shohim ende në ekranin tonë.
