Sekreti për një lëkurë të bukur gjendet në kuzhinën tuaj. Dermatologia sugjeron recetat për trajtimin e fytyrës në kushte shtëpie

Çdo grua dëshiron të ketë lëkurë të pastër, rrëzëllitëse e plot vitalitet. Shpesh herë kjo kërkon shpenzim e një kuletë plot, por ju mund të përkëdhelni lëkurën tuaj me disa ingredientë natyralë, të cilat mund t’i bëni në kushtet e shtëpisë.
E vetmja gjë në të cilën ju duhet të investoni është koha, për të gjetur dhe përdorur këta përbërës natyralë, të cilët i japin lëkurës hidratim dhe ushqim me vitamina.
Çdo njeri ka specifika lëkure të veçanta, kështu që këta ingredientë duhen përdorur në përputhje me nevojat dhe tipin e lëkurës suaj, për të marrë benefitet më të mira prej tyre.
Gjëja më e rëndësishme që duhet të dini përpara aplikimit të këtyre ingredientëve, është larja e fytyrës me ujë të bollshëm në mënyrë që të mos keni papastërti.
Kush është tipi i lëkurës tuaj?
Përgjithësisht njerërzit kanë katër tipa lëkure:
• lëkurë normale
• lëkurë e yndyrshme
• lëkurë e thatë
• lëkurë e kombinuar
Procedurat për një lëkurë normale:
Maska me lëng domate ose lëng portokalli dhe gjizë
Benefitet e kësaj maske: heqje e qelizave të vdekura dhe rinim i lëkurës, reduktim i njollave kafe, parandalim i rrudhave.
Ingredientët: lëng domateje ose portokalli, gjizë.
Përgatitja dhe përdorimi: Përzieni lëng domate ose portokalli me 2 lugë gjelle gjizë. Pasi të jetë krijuar një përzierje e njëtrajtshme, masazhojeni lehtë në gjithë fytyrën. Lëreni të pushojë për 10-15 minuta, pastaj shpëlajeni me kujdes me ujë të ftohtë.
Ky është një kombinim shumë i mirë, për të patur një lëkurë të shëndetshme. Gjiza vepron duke larguar qelizat e vdekura nga lëkura juaj, ndërkohë portokallet janë të pasura me vitaminë C që i jep lëkurës shkëlqimin natyral. Kjo maskë është e rekomanduar të përdoret 2-3 herë në javë.
Procedura për lëkurë të yndyrshme:
Ingredientët: 3 lugë miell, 2 lugë qumësht i ngrohtë, 2 lugë ujë trëndafili, 2 lugë mjaltë.
Përdorimi: Përzieni ujin e trëndafilit dhe mjaltin me qumështin e ngrohtë. Me ngadalë shtoni miellin duke e përzierë. Lëreni të ftohet përzierjen e përgatitur, pastaj aplikojeni në gjithë fytyrën. Lëreni të thahet për 10-15 minuta, pastaj shpëlajeni me ujë të ftohtë.
Mielli ndikon në rigjenerimin e lëkurës tuaj dhe pakësimin e yndyrës, përbërësit e tjerë ndihmojnë në pakësimin e njollave dhe zbardhjen e lëkurës.
Lëkurë e kombinuar
Maska me kastravec, qumësht dhe lëng limoni.
Përbërësit: Qumësht, kastravec, lëng limoni.
Përdorimi: Përzieni 2 lugë qumësht dhe 2 lugë lëng kastraveci, si dhe 2 pika lëng limoni. Aplikojeni përzierjen me pambuk në fytyrë. Lëreni të thahet dhe pastaj shpëlajeni me ujë të bollshëm.
Qumështi dhe kastraveci ndihmojnë shumë lëkurën e yndyrshme, duke pakësuar yndyrën si dhe duke zbehur njollat kafe në fytyrë.
Lëkura e thatë:
Maska me aloe vera, lëng trëndafili dhe limon.
Përgatitja: Përzieni 3 pika lëng trëndafili dhe 2 pika limon në xhel aloe vera. Aplikojeni përzierjen në lëkurë për disa minuta. Lëreni atë ta përthithë lëkura juaj, pastaj shpëlajeni me ujë të bollshëm.
Aloe Vera është përbërës shumë i mirë i cili hidraton shumë lëkurën tuaj./revistawho.com