Në tetor të vitit të kaluar Seldi Qalliu dhe Mimoza Shkodra vendosën që lidhjen e tyre ta zyrtarizonin me fejesë. Gjithçka u bë në një festë private familjare, sepse të dy dëshironin ta shijonin sa më shumë këtë moment.
Në një intervistë për ‘Prive’, Seldi dhe Mimoza kanë treguar se si shkoi gjithçka drejt fejesës dhe planet e tyre për martesë. Seldi ka thënë se ishte ai i pari që hodhi hapin për t’i propozuar Mimozës, duke qenë se të dy e kishin vënë re se kishin një tërheqje ndaj njëri-tjterit.
Megjithatë duket se çifti nuk e ka ende në plan të martohet, sepse çdo gjë deri më sot ka ndodhur spontanisht. “Ne nuk kemi bërë plan që të lidhemi, të fejohemi dhe ne nuk bëjmë plan që të martohemi. Ne jetojmë të lirë. Por sigurisht që një martesë do të ketë, sepse pas fejesës martesa vjen”, – ka thënë Seldi. Megjithatë Mimoza dhe Seldi presin që për pak kohë të publikojnë bashkëpunimin e radhës me njëri-tjetrin. /revistawho.com
