Selena Gomez e cila dikur njihej si “mbretëresha e Instagramit”, pasi ndiqej nga miliona njerëz në platformën e mediave social, tani, nuk është më online si dikur!
Për më shumë se katër vite, ajo ka zgjedhur të qëndroj larg rrjeteve sociale, për shkak të shëndetit mendor. “Ky vendim e ka ndryshuar plotësisht jetën time. Jam më e lumtur, jam më e pranishme, jam më e lidhur me njerëzit. Unë e kuptoj se sa i fuqishëm është interneti dhe në shumë mënyra ai ka bërë gjërat më të mira për botën. Por për mua jo, unë i marr vesh lajmet që janë me të vërtetë të rëndësishme përmes njerëzve të afërt”, tha Gomez për emisionin e mëngjesit “Good Morning America”.
Këngëtarja, aktorja dhe producentja, e cila aktualisht ka më shumë se 300 milionë ndjekës në Instagram, po promovon aplikacionin e saj “Wondermind”, një platformë për shëndetin mendor që e ndihmoi të rimëkëmbet. Gomez, e cila ka qenë e hapur për sfidat e saj, duke përfshirë çrregullimin bipolar, tha për “GMA” se qëllimi është të vendosë burimet e saj në dispozicion për ata që kanë nevojë.
“Ka vende ku njerëzit shkojnë kur kanë nevojë për ndihmë dhe është për të ardhur keq që ato kushtojnë shuma të mëdha parash. Por ka edhe një vend ku njerëzit mund të ndihem mirë dhe të ndihen se është dikush që i kupton”, është shprehur aktorja.
