Selena Gomez dhe Julia Michaels kanë publikuar bashkëpunimin e parë së bashku, vetëm pak orë më parë. Kënga titullohet ‘Anxiety’ dhe ka në qendër një mesazh të fortë për të gjithë ata persona që vuajnë nga ankthi. Duke dashur të rrëfejë pak për këngën, Selena e nis fjalën e saj me pak fjalë për kolegen dhe miken e saj, Julia. “Motra e shpirtit tim. Julia, ti ke qenë një pjesë e rëndësishme e jetës sime. Më ke mësuar të kem kurajo kur kam pasur dyshime tek vetja. Kjo këngë është shumë afër zemrës time sepse unë e kam përjetuar ankthin dhe shumë nga miqtë e mi po ashtu. Ti nuk je vetëm nëse ndihesh nëjesoj. Ky mesazh është shumë i nevojshëm dhe shpresoj që ju ta pëlqeni”,-shkruan ajo krahas fotos me mikeshën e saj.
Kënga pritet të kthehet në sukses brenda një kohe të shkurtër./revistawho.com
