Mbrëmjen e kaluar në ndeshjen Serbi-Zvicër, u përjetuan emocionet të cilat na kishin munguar prej kohësh. Dy futbollistët kosovarë Xherdan Shaqiri dhe Granit Xhaka shënuan dy golat e fitores për Zvicrën. Këto gola nuk kanë qenë aspak lajm i mirë për serbët dhe kapiteni i tyre në përfundim të ndeshjes ofendoi dy shqiptarët duke thënë se janë nivel primitiv dhe 10 vite larg. Lidhur me simbolin e shqiponjës, mediat serbe e konsideruan si provokim të turpshëm dhe kërkuan ndaj “Fifa” që të marrë masat e duhura.
Por jo vetëm mediat, në këtë debat janë përfshirë edhe tifozët serbë. Npërmjet komenteve të shumta ata kryqëzojnë Xhakën dhe Shaqirin duke i cilësuar si lojtarë të dobët dhe fitoren e morën vetëm falë gjyqtarit. Komentues të shumtë shfryjnë inatin duke treguar se “Kosova është Serbi” dhe nuk ka për të shpëtuar asnjëherë nga ata. Në mes të komenteve fyese mbizotërojnë ato të cilat mbështesin golat e dy lojtarëve, madje komentues te huaj ju tregojnë serbëve se Kosova është shpallur e pavarur në vitin 2008./revistawho.com
