Beren Gokyildiz është vogëlushja që ka fituar zemrat e të gjithëve me talentin e saj. Edhe pse e vogël në moshë ajo ka arritur një sukses duke luajtur në seriale shumë të ndjekur. Dy prej tyre janë transmetuar edhe në Shqipëri prandaj Beren është shumë e njohur në vendin tonë. Fillimisht ajo luajti në serialin “Nënë” dhe më pas në serialin “Bija ime”. Tani aktorja po përgatitet për t’u rikthyer me një tjetër serial të ri i cili sipas informacioneve të “Revistës Who”, do të transmetohet edhe në Shqipëri. Seriali do të mbajë titullin “Kimsesizler” dhe do të flasë për jetën e disa vogëlusheve jetime. Së fundmi është zbuluar se një nga aktoret që do të luajë në serial është Burcu Ozberk. Aktorja bukuroshe e ka pranuar ofertën për të marrë pjesë në këtë serial teksa nuk është bërë ende i ditur roli i saj. Burcu Ozberk është shumë e njohur nga roli i saj në serialin “A vjen më pas dashuria”, i transmetuar në Tring.
