Ish-burri i Britney Spears Kevin Federline postoi video në “Instagram” ku shfaqej këngëtarja duke u bërtitur dy djemve të tyre, të cilët në atë kohë ishin 11 dhe 12 vjeç. Spears, kohët e fundit është përballur me akuzat e Federline i cili pretendon se ajo është një nënë e keqe për postimin e imazheve nudo të saj në rrjete sociale.
Në një postim që u fshi shpejt, shfaqet Spears e cila i quan djemtë e saj “të urryer”, për shkak se shkonin direkt në dhomat e tyre kur ishin në shtëpinë e saj. Federline ka ndarë videot në IG, duke përdorur hashtagun e Depp gjatë gjyqit të tij kundër Amber Heard, “#NeverFearTruth”. “Nuk mund të rri duarkryq dhe të lejoj që djemtë e mi të akuzohen në këtë mënyrë pas asaj që kanë kaluar. Aq sa na dhemb, ne si familje vendosëm të postonim këto video që djemtë i bënë kur ishin 11 dhe 12 vjeç. Kjo nuk është as më e keqja. Gënjeshtrat duhet të ndalen. Shpresoj që fëmijët tanë të rriten për të qenë më të mirë se kaq. #Mos u frikësoni nga e vërteta”, ka shkruar Federline.
