Ka vetëm pak ditë që ka publikuar klipin e saj të ri dhe fansat mezi e kanë pritur. Fituesja e X Factor 1, Sheila Haxhiraj, këtë herë ka vendosur të eksperimentojë në një rrymë të re muzikore dhe është e kqnaqur. “Dashnia”, kënga me ritme ballkanase ka qenë surprizë edhe për publikun e saj, por ka rezultuar e suksesshme.
Aktualisht, Sheila studion për drejtësi dhe mendon se, në një të ardhme, do ta ushtrojë profesionin e juristes, por për momentin, kur ka kuptuar se pasioni për këngën dhe aktrimin po i kthehet në profesion, e ka lënë pak pas dore.
Prej disa vitesh në muzikë tashmë, për Sheilën, kjo rrugë nuk ka qenë e thjeshtë, megjithatë ka pasur gjithmonë pas nënën e saj, krah i siugurt, shoqe, menaxhere – pika e dobët: “Mami është pika ime e dobët, ka qenë pjesë gjatë gjithë rrugëtimit tim, si në muzikë, si në film, në ҫdo hap që kam hedhur. Ajo ka qenë gjithmonë pranë meje….” – thotë Sheila për mami Dianën.
Megjithëse shoqe shumë të mira, Sheila dhe Diana kanë një pikë në të cilën nuk merren vesh kurrë me njëra-tjetrën – telefonin. Me humor, Sheila tregon se e ëma (cila nënë nuk e bën?) e bezdis shumë duke e marrë në telefon: “Ajo është autoritare dhe përpiqet të vërë rregullat e saj. Qysh e vogël, mbaj mend që më merrte me zor në orarin e drekës kur unë doja të luaja jashtë, por edhe sot që postoj foto në publik, është gjithmonë kritike, në mënyrë që të dukem sa më mirë…. “
Ҫdo gjë mund t’ia durojë së ëmës, por kur vjen puna te telefoni, është e pashmangshme. Gjatë një inserti të përgatitur për “Rudina”, Sheila i bëri së ëmës një lutje publike: “Po ta kërkoj publikisht, të lutem mos më bezdis më me telefonin që i bie tri herë në minutë. Dhe nëse unë nuk ta hap, ti më dërgon mesazh “ku je?” Dhe pas disa sekondave, i bie sërish…”
Edhe vetë mami Diana e pranon që, ndonjëherë është më kërkuese se ҫ’duhet ndaj së bijës dhe e di që kjo gjë e bezdis Sheilën, por të gjithë e dinë se është e zakontë e nënave, e të gjitha nënave…
Sado u përpoq t’ia premotnte së bijës se do të jetë më e kujdesshme, mami Diana, por edhe vetë Sheila e dinë që herën tjetër do të jetë sërish e njëjta gjë./ Class
