Trëndafila, çokollata, qirinj e surpriza…kështu janë mbushur sot rrjetet sociale në ditën e të dashuruarve. Por ne të “revistawho” na ëmbëlsoi më shumë Shën Valentini i bebeve të blogereve. Veshur me zemra, fustane të kuqe e çorape me dedikime, blogeret që janë bërë nëna muajt e fundit e festuan kaq bukur Shën Valentinin e parë me bebushat e tyre. Dhe me shumë se dhuratat për veten shijuan praninë e fëmijeve që si blogere që janë u kujdesën me detaje ta bënin festë të vërtetë dashurie.
Sara Karaj postoi dy foto të Tomasit, të veshur me kostum të bardhë me zemra të kuqe dhe çorape ku shkruhet “Je t’aime”.
Edhe Marigona e njohura si Nina na dhuroi një foto të vogëlushes së saj me kostumin me zemra e me kordele të kuqe.
Të njëjtin kostum ka zgjedhur dhe Ersi për djalin duke e kombinuar edhe me një kapuç të kuq. “Zemra ime, ëmbëlsirë”, shkruan blogerja krah fotos duke postuar edhe dy të tjera ku shfaqet duke e mbajtur vogëlushin në krahë.
Elona Varfi nga ana tjetër vazhdon të ruajë privatësinë e vogëlushes së saj duke mos i treguar portretin, por fotot dhe veshjet e saj të bukura nuk i kursen. Dhe sot për Shën Valentin Elona e ka veshur Helënën me fustan të kuq duke e quajtur “Valentini i saj”.
Epo të mbushur me kaq shumë dashuri nuk mund të na gjente ky Shën Valentin!
