Në fillim e njihnim me flokë të gjata deri te shpatullat, dhe kjo u bë shenja dalluese e tij për disa vjet. Pastaj me flokë të shkurtër dhe mjekër, dhe tani, kur të gjithë ishim mësuar me imazhin e Leo Messi-it… futbollisti na ka befasuar me një look të ri.
Mesa duket sulmuesi ka shfrytëzuar pushimet e verës, për t’i bërë një ndryshim pamjes së tij. Ka qenë partnerja e tij, Antonella Roccuzzo, e cila ka dashur t’i tregonte fansave ndryshimin Leo-s, duke publikuar një foto në llogarinë e saj në Instagram.
Ajo ka shkruar: ndryshim luku #BlondeBoy.
Në foto mund të shihet se futbollisti i ka lyer flokët biond platin. Një ndryshim radikal, krahasuar me ngjyrën e flokëve të tij deri tani, më të errët që ende duket në mjekrën e tij, e cila kontraston dukshëm me tonin e ri, pothuajse të bardhë.
