Shivai ndryshon për rolin e ri, por fansat nuk e mirëpresin pamjen e tij të re

Aktori Nakuul Mehta i njohur prej rolit të tij si “Shivai” nga seriali indian, do të nisë xhirimet për një serial të ri shumë shpejt. Për rolin e tij të ri aktori ka ndryshuar pamjen duke rritur mustaqet. Shivai ka postuar në rrjete sociale një foto me pamjen e tij të re, por nuk është mirëpritur nga fansat. Disa prej tyre e kanë komplimentuar aktorin, por të tjerë i kanë komentuar se kjo pamje nuk i shkon. Shivai nuk ka reaguar pas këtyre komenteve dhe duket i lumtur me pamjen e re. Pas mbarimit të “Bixhoz me dashurinë” në Indi, aktori ka shijuar pushimet me bashkëshorten e tij dhe kanë udhëtuar në disa vende. Pak kohë më parë ata ndodheshin në Itali ndërsa së fundmi u rikthyen në Indi për të vazhduar punën me projektet e tyre./revistawho.com