Mbrëmjen e kaluar, në një spektakël plot emocione është shpallur fituesja e Miss Universe Kosova 2018. Vajza e përzgjedhur quhet Zana Berisha. Ajo arriti të rrëmbente kurorën e më të bukurës, mes 17 vajzave të tjera konkurruese. Zana do të përfaqësojë Kosovën në “Miss World 2018”.
Një nga surprizat e djeshme ishte edhe pjesëmarrja në juri e producentit amerikan, Edward Walson që bëri vlerësimin e vajzave. Por ditën e sotme jo të gjitha reagimet kanë qenë pozitive për këtë fitore. Ish-banori i ‘Big Brother’, Vesel Kurtishaj ka ndarë me të gjithë opinionin e një gazetari amerikan për vajzën fituese.
Ky i fundit ka shkruar: “Performanca e Kosovës me përfaqësueset ka nisur shumë e fortë me pjesëmarrjen e emrave si Zana Krasniqi, Angela Martini dhe Gona Dragusha, por tani pritshmëritë kanë rënë. Sa më shumë kalon koha përzgjedhjet janë gjithmonë e më të këqija. Madje për shumë kohë nuk pres përmirësime në përzgjedhjen e konkurrenteve”. Veseli duket se ka qenë plotësisht dakord me mendimin e gazetarit dhe këtë e ka treguar me foton e publikuar./revistawho.com
