Ato u bënë të famshme fillimisht në ‘X Factor’ e më pas vazhduan karrierën e tyre si grupi ‘Fifth Harmony’. Por mesa duket karrierës së tyre si grup muzikor i ka ardhur fundi.
Katër vajzat e ‘Fifth Harmony’ nëpërmjet një deklarate në rrjete sociale kanë bërë të ditur se ato do të ndahen për një periudhë të pacaktuar kohore, sepse duan të zhvillojnë karrierën e tyre si këngëtare solo. Megjithatë ato kanë thënë se për hir të fansave që u kanë dhuruar shumë dashuri do të vazhdojnë koncertet e planifikuar si grup e më pas rrugët e tyre do të ndahen. Rreth dy vite më parë, këngëtarja e hitit ‘Havana’, Camila Cabello u largua nga grupi ‘Fifth Harmony’ duke qenë se produksioni nuk e lejonte të publikonte këngët origjinale të saj. /revistawho.com
