Olsi Klosi është një nga banorët më të përfolur të “Big Brother 9”. Lidhja e tij me Fjorentinën vazhdon dhe jashtë dyerve të shtëpisë ku shfaqen më të lumtur se kurrë. Ditën e sotme, Olsi ka postuar disa foto me kushërinjtë e tij që sapo janë kthyer në Shqipëri. Komentet e shumta të fansave ku pyesnin përse Fjori nuk ishte e pranishme, ka bërë që ai të shpërthejë në një deklaratë, pak orë më vonë: “Sa për informacion, unë nuk rri me Fjorin 24 orë në ditë se nuk jemi në “BB9”. Kemi kushërinj, shoqëri, familjarë dhe çdo njeri ka rëndësinë e tij. Shoh disa komente pa lidhje të tipit a jeni ndarë…ku e ke Fjorin? Dhe burri me gruan nuk rrinë gjithë kohën bashkë jo më dy të lidhur. Kështu që po na lodhini me këto pyetje që bëni pasi çdo njeri ka nevojë për hapësirën e tij.”-shkruan Olsi./ revistawho.com
