Sipas një studimi të bërë së fundmi nga Zyra Federale e Statistikave, për herë të parë pas 10 vitesh në Zvicër, më shumë njerëz flasin gjuhën shqipe se atë portugeze.
Për shumë vite, portugalishtja ka qenë gjuha e huaj e dytë më e folur në Zvicër, pas anglishtes. Sipas të dhënave të reja të Zyrës Federale të Statistikave, në vitin 2022 rreth 292 mijë njerëz kanë folur shqipen në Zvicër.
Në përqindje, kjo nënkupton se 3.4% e qytetarëve të Zvicrës flasin shqip. Sa u përket qyteteve, shqipja flitet më së shumti në Zuerich, Winterthur, Basel e St.Gallen.
Në vend të tretë, si gjuhë e huaj më e folur është gjuha portugeze, e ndjekur nga spanjishtja dhe serbo-kroatishtja.
