“MTV Music Awards” cilësohet si një ndër eventet më të mëdha dhe të rëndësishme të muzikës në mbarë botën. Një çmim i “MTV Music Awards” konsiderohet mjaft me vlerë nga një artist. Këtë vit ndarja e çmimeve do të rikthehet në New York dhe do të zhvillohet në 20 gusht. “MTV” ka shpallur listën e nominimeve nëpërmjet aplikacionit “IGTV” në ‘Instagram’. Listën e nominimeve e kryeson Cardi B me 10 të tillë dhe pas saj vijnë Beyonce dhe Jay Z me 8. Më e rëndësishmja është se këtë vit janë nominuar në disa kategori edhe këngëtaret me origjinë shqiptare të njohura në mbarë botën. Dua Lipa është nominuar në tre kategori, “Kënga e Vitit” me “New Rules”, “Koreografia më e mirë” me këngën “IDGAF” si dhe “Kënga më e mirë ritmike” me “One Kiss” në bashkëpunim me Calvin Harris.
Rita Ora është e nominuar në “Kënga më e mirë ritmike” dhe “Efektet më të mira vizuale” me këngën “Lonely Together” në bashkëpunim me DJ e ndjerë, Avicii.
Ndërsa Bebe Rexha është nominuar në një kategori të vetme, “Bashkëpunimi më i mirë” me Florida Georgia Line me këngën “Meant to be”. Të gjithë shqiptarët në mbarë botën mund të dalin në mbështetje të vajzave duke votuar ‘online’ në faqen e “MTV Music Awards’. /revistawho.com
