Taylor Swift po thyen të gjitha rekordet e mundshme. Ajo tashmë ka fituar më shumë se 300 milionë dollarë nga 22 datat e para të turneut të saj “Eras”.
Ky turne është bërë koncerti me më shumë bileta të shitura në një ditë të vetme. Pikërisht ky sukses i madh ndërkombëtar ka bërë shumë fansa kureshtarë se sa para fiton gjithsej këngëtarja nga turneu i saj.
Për dy netët e hapjes së turneut të saj, Taylor Swift performoi në të njëjtin stadium që priti Super Bowl disa javë më parë. Është e panevojshme të thuhet se biletat për këto dy data u shitën të gjitha menjëherë.
U llogarit se mbi 150,000 njerëz morën pjesë, dukshëm më i lartë se 68,000 që morën pjesë në Super Boël 2023.
Duke marrë parasysh që Super Bowl pati një ndikim ekonomik prej më shumë se 600 milionë dollarë në total, Forbes ka parashikuar që ndikimi ekonomik i dy netëve do të jetë së paku 570 milionë dollarë.
Sipas Bloomberg, me një mesatare prej 54,000 fansash që ndjekin shfaqjet e saj në çdo ndalesë të turneut, këngëtarja e “Anti-Hero” fiton më shumë se 13 milionë dollarë nga çdo koncert.
Ylli i popit tashmë ka fituar më shumë se 300 milionë dollarë nga 22 datat e para të turneut.
Për këtë arsye, sipas vlerësimeve, kur të përfundojë Eras Tour, fitimet e Taylor Swift mund të jenë rreth 1.4 miliardë dollarë.
Megjithatë, duhet pasur parasysh se vlerësimi prej 1.4 miliardë dollarësh llogarit vetëm vlerën e biletave në momentin e shitjes totale. Shuma aktuale e parave të shpenzuara nga fansat e këngëtares në turne është shumë, shumë më e lartë. Pothuajse të gjitha biletat e rishitura në tregun sekondar kushtojnë më shumë se vlera e tyre origjinale.
Edhe pse fitimi total bruto i “Eras Tour” nuk mund të llogaritet deri në përfundimin e tij, tashmë mund të themi se është një ngjarje që do të shënojë historinë e muzikës dhe më gjerë.
Nëse këto parashikime realizohen, Taylor Swift do të thyejë rekordin për turneun e femrave me fitimet më të larta të të gjitha kohërave. Ky rekord aktualisht mbahet nga Madonna, e cila fitoi 407 milionë dollarë për turneun Sticky & Sweet në 2008-2009.
