Alex Rodriguez i propozoi për martesë Jennifer Lopez në muajin mars dhe pritet që së shpejti ata të kurorëzojnë dashurinë e tyre. I ftuar së fundmi në emisionin “The Tonight Show Starring Jimmy Fallon”, Alex zbuloi të tjera detaje për planet e martesës. Ai tregoi se ende nuk kanë zgjedhur vendin ku do organizojnë dasmën dhe në atë moment Jimmy Fallon i dha një ide. Duke qenë se Jennifer do të performojë në “Super Bowl”, drejtuesi i emisionit u përpoq të bindte Rodriguez që ata të martohen atë ditë para gjithë syve të publikut.
“100 milionë njerëz duke na parë, ne po përpiqemi të mendojmë më pak. Më shumë se 100 njerëz, ndoshta”, ka thënë Alex me shaka. Më pas ai shtoi sërish me humor se nëse do e merrte parasysh si ide do të kursenin disa para, sepse çdo gjë do ishte e mbuluar nga organizuesit e “Super Bowl”. Në këtë mënyrë Alex tregoi se ai dhe Jennifer nuk dëshirojnë një dasmë madhështore, por diçka tepër intime me njerëzit e tyre më të afërt. Lopez dhe Rodriguez i nisën festimet për dasmën e tyre që në muajin shtator, ku mboldhën në një festë të gjithë miqtë e tyre. /revistawho.com
https://www.instagram.com/p/B3AooAMAmtU/?utm_source=ig_embed
