Moderatorja e njohur, Luana Vjollca, ka zbuluar me një postim se ka nisur punën për sezonin e ri që e pret. Kështu ajo ka treguar se shumë shpejt do të jetë në ekran, edhe pse nuk ka zbuluar më shumë detaje. “Zyrtarisht startuam punën për sezonin e ri televiziv. Më uroni fat”, shkruan Luana krahas fotos ku duket në zyrë. Nuk dihet cili emision do ta rikthejë në ekran, por pak kohë më parë ajo zbuloi disa foto nga studio e “Shiko kush luan”, teksa po transformohej. Po ashtu ajo ka ndarë sot pamje krah Fifit dhe Rezart Veleshenjës të cilët janë bashkëpunëtorët e saj në “Shiko kush luan”. Me sa duket Luana dhe stafi i saj po fillojnë nga xhirimet e emisionit argëtues. Megjithatë disa kohë më parë ajo tregoi se po punon edhe për një tjetër emision, “Take me out”, që është një patentë ndërkombëtare. Tani na mbetet të presim për të zbuluar surprizat që ka rezervuar Luana në sezonin e ri.
