Britney Spears është kurorëzuar sot në martesë me partnerin e saj Sam Asghari. Çifti mbajti një dasmë përrallore, detajet e të cilës na i sjell “Revista Vogue”.
“Ne donim ta ndanim këtë moment të bukur me familjen dhe miqtë. Donim ngjyra të ngrohta dhe femërore, duke përfshirë rozën, të bardhën, kremin dhe ngjyrën e artë. Lulet dukeshin sikur të ishin hequr nga faqet e një përralle”, tha Britney për Vogue.
Nusja kishte veshur një fustan nga Versace me një të çarë nga njëra anë dhe një vello të bardhë klasike. Sam kishte veshur gjithashtu një kostum nga Versace.
Jashtë shtëpisë së çiftit, ishte vendosur një kalë i bardhë me një karrocë të përshtatshme për Princeshën e Popit. Ceremonia u zhvillua nën një tendë dhe të ftuar ishin Madonna, Selena Gomez, Drew Barrymore, Paris Hilton dhe Carter Reum, Kathy Hilton, Maria Menounos, Ansel Elgort, Will.i.am dhe Donatella Versace.
