Më shumë fakte vazhdojnë të dalin nga “Spare”, libri i Princit Harry që doli në shitje të martën në SHBA dhe Mbretërinë e Bashkuar. Duka i Sussex tregon se kur ishte fëmijë pasi i vdiq nëna e tij iu desh të merrte terapi. Harry kujton se në një nga ato kujtime, ai mbante një shishe me parfumin e preferuar të Princeshës Diana dhe kjo aromë e ndihmoi atë të përballonte më mirë humbjen e saj.
“Në fillim të seancës, ngrita kapakun dhe mora frymë thellë” shkroi ai. “Kam lexuar diku se aroma është ndjenja jonë më e lashtë dhe kjo përshtatet me atë që përjetova në atë moment, imazhe që lindin nga ajo që ndihej si pjesa më primitive e trurit tim.”
Parfumi të cilit i referohet Harry në librin e tij është First, nga Van Cleef & Arpels, i cili është bërë nga zymbyl, trëndafi e jasemin.
