“Si ta quaj këtë dashuri”, Lavanja nuse, Arnav bën namin, ja ç’do ndodhë nesër

Arnav përplaset me shërbëtorin i cili i derdh kafenë në këmishë. Për çudi të të gjithëve Arnav nuk i bërtet por i thotë t’i sjellë një kafe tjetër. Babai i Kushit pyet një avokat për Shamin. Ai thotë se Sham është avokat i mirë dhe ka ndihmuar shumë njerëz të varfër të gjejnë drejtësinë. Kushi shkon në punë. Ajo përballet me Arnavin. Kushi i buzëqesh atij kurse Arnav e shikon me nerva. Teksa kalon pranë Arnavit shalli i saj ngec në laptopin e tij. Arnav i jep shallin dhe habitet kur sheh njollën që i ka lënë Kushit në krahë. Ai i kërkon përsëri faljë Kushit. Kushi gëzohet që ai i kërkoi falje. Arnav largohet. Pajal merr në telefon tek shtëpia Raizada për të folur me Kushin. Telefonin e kap Akash. Ata flasin me njëri tjetrin. Manorma pyet Akashin nëse ka ndonjë të dashur dhe i thotë se ka për t’u martuar me vajzën që ka zgjedhur ajo. Akash i thotë se nuk ka për t’u martuar pa u martuar Arnav. Kushi e vesh Lavanjën si nuse. Në këtë kohë vjen Arnav. Kushi fshihet në tualet. Arnav sheh Lavanjën të veshur si nuse dhe i bërtet. Arnav sheh Kushin që është në tualet dhe e nxjerr prej aty. Ai kërcënon Kushin dhe i thotë të dalë nga dhoma. Kushi largohet. Lavanja i thotë Arnavit se do që t’i japë kuptim lidhjes së tyre por ai i bërtet aq shumë sa e dëgjojnë edhe Anxhali dhe gjyshja. Ato pyesin Kushin pse Arnav po i bërtet Lavanjës. Lavanja i thotë Arnavit se nuk mund të jetojë me të si e dashura e tij dhe se do të largohet nga shtëpia. Arnav nuk e ndalon. Arnav shkon tek Kushi dhe i thotë se është faji i saj për gjithçka. Ai i thotë se Lavanja do largohet nga shtëpia kështu që Kushi s’ka nevojë të vijë më. Gjyshja gëzohet që Lavanja do largohet. Kushi flet në telefon me Lavanjën dhe i thotë t’i kërkojë falje Arnavit. Lavanja thotë se nuk do i kërkojë falje pasi ajo nuk ka asnjë gabim dhe Arnav as nuk u përpoq ta ndalojë kur ajo tha se do largohet./revistawho.com