“Si ta quaj këtë dashuri”, njihuni me personazhet dhe historinë…

Kushi Gupta është një vajzë nga qyteti i Lakno, i Indisë e cila është rritur nga xhaxhi Shashi dhe halla Garima pasi prindërit i kanë vdekur kur ishte 8 vjeç. Seriali fillon në ditën kur motra e saj e madhe Pajal martohet. Në minutat e fundit, familja e të fejuarit të Pajalit kërkojnë pajë nga familja e Pajalit, të cilët shokohen pasi i përkasin klasës së varfër të shoqërisë. Kushi shkon për të folur me të fejuarin e motrës, Abishek në një vend. Por ajo ngatërrohet për modele pasi aty po bëhet një shfaqje mode. Kushi bie nga skena dhe aty shfaqet Arnav Raizada, i cili e shpëton. Arnav është bos dhe është pronar i një kompanie dizajni. Ai mendon se Kushi është modele nga kompania rivale për t’i prishur shfaqjen dhe e mbyll atë në një dhomë. Kushi vonohet dhe dasma e Pajalit anulohet. Arnav dërgon dy burra tek Kushi për ta pyetur nga cila kompani rivale është, por Kushi u thotë se nuk e ka idenë për çfarë po flasin dhe i lutet të shkojë. Arnav i thotë Kushit se do e lërë të shkojë nëse ajo i përgjigjet disa pyetjeve. Kushi i lutet të shkojë pasi duhet të shkojë tek dasma e motrës por Arnav insiston dhe e pyet sa para i kanë dhënë që ta prishte shfaqjen. Kushi i thotë se çdo gjë është keqkuptuar. Ajo arrin të largohet duke qarë. Kushi shkon në shtëpi dhe merr vesh se dasma është anuluar. Halla i bërtet Kushit që u kthye vonë. Kushi i tregon të vërtetën familjes sesi shkoi të takohej me Abishekun, të fejuarin e motrës. Halla e saj nxehet dhe i thotë se ajo nuk duhet të ndërhyjë në këtë punë. Debati degradon dhe zbulohet se Kushi nuk është motra e Pajalit. Kushi lëndohet./revistawho.com