Marina dhe Geti nuk kanë ndonjë sekret për martesën e tyre. Thjesht shijojnë çdo ditë dashurinë e tyre duke e forcuar edhe më shumë “të qenit një”. Kështu shprehet moderatorja në intervistën më të fundit për “Revista Who”.
E pyetur si po shkon martesa e tyre, Marina përgjigjet: “Për marshallah. E thashë popullorçe fare. Çdo ditë e më tepër që kalon, aq edhe më shumë e duam dhe bëjmë për njëri-tjetrin”.
Po sekreti që Geti vazhdon të jetë i çmendur pas saj dhe e vërtetoi me dhuratën për ditëlindje. “Veç sekret që nuk ka në dashuri. Me dhuratën më ka lënë pa fjalë për ditë të tëra. Sekreti i Getit ky është, di të të lërë pa fjalë (për mirë deri tani)”-shprehet moderatorja.
Ndërsa e pyetur për frikën kur martesa bëhet monotone, Marina thotë se është ende herët për të folur për këtë pjesë, por tani po shijojnë çdo ditë dashurinë e tyre.
“Luftojmë dhe jetojmë për ta ndërtuar më shumë harmoni martesën tonë, familjen tonë. Monotone martesa mund të bëhet që ditën e parë, nëse nuk kemi qëllimet dhe idetë e njëjta për njëri-tjetrin. Më duket shumë herët kjo pyetje që të më drejtohet mua, qoftë nëse e kam përjetuar apo a e mendoj. Shijojmë çdo ditë dashurinë e gjysmave tona për të forcuar “të qenit një”.-shprehet Marina për “Revista Who”.
