Fjoralba Ponari është bërë disi nostalgjike dhe ka zgjedhur që ndjesitë e saj t’i publikojë në ‘Instagram’ me anë të fotove dhe videove. Këngëtarja dhe moderatorja e njohur është kthyer pas në kohën kur sapo kishte nisur karrierën televizive. Në atë periudhë ajo njihej si Fjoralba e ‘The Voice’, ndërsa tani është drejtuese e programit ku dikur merrej në intervistë. Në foton e parë që i përket 2016-ës ajo shkruan: “Si vjen jeta!”.
Më pas postimet vazhdojnë me një video të po asaj kohe, ku shfaqet një pjesë e intervistës së saj. “A dhe B e një artisti. I urreja intervistat gjatë ‘The Voice’, por disi, disi, kjo e ‘E diella’, më dukej joshëse që atëherë”,-ka shkruar moderatorja me shaka, si për të treguar se e ka parandjerë që do ishte këtu ku qëndron tani.
Fjoralba i është bashkuar skuadrës së ‘E diell’ dhe çdo të dielë mund ta ndiqni në ekranin e ‘Top Channel’./revistawho.com
