Sia lancon kengen qe ishte parashikuar ta kendonte Adele

Sia ka lançuar këngën e saj më të re “Alive”, e cila ishte parashikuar të këndohej nga Adele. Në fakt, kjo e fundit edhe ka ndihmuar për të shkruar këngën, por më pas ka refuzuar ta këndojë. Por, si gjithmonë unike, Sia këndon ‘Alive’, një këngë motivuese, të cilën tregon se e ka shkruar për albumin e ri të Adele, por studio regjistruese që po punon për këngëtaren britanike e ka refuzuar.
Kjo është kënga e parë nga albumi i Sia-s “This Is Acting” dhe të gjitha këngët në të janë shkruar nga Sia për artistë të tjerë dhe të kënduar nga perspektiva e tyre. Megjithatë, Sia i ka çuditur fansat, kur është shprehur se në fakt, ky album është më shumë një lloj aktrimi, pasi asnjë nga fjalët nuk janë diçka që do thoshte ajo.