Sidrit Bejleri është një nga këngëtarët më të njohur të skenës muzikore shqiptare. E kemi parë dhe si trajner në “The Voice” ku ka spikatur talentet e rinj shqiptare që aspirojnë rrugën drejt një karriere profesionale në botën e muzikës. Përpos arritjeve profesionale, Sidriti sot ka ndarë me të gjithë ndjekësit një mesazh tejet emocional për të bijën që ka ndërruar jetë, vetëm disa muajshe. E pamundur të mbash lotët teksa lexon këtë mesazh. Ndër të tjera këngëtari shkruan: “Kjo është Sofi Sidrit Merjem Bejleri. Them është sepse do të vazhdojë të jetë për mua, deri ditën që do të mbyll sytë dhe do ta takoj andej, dashtë zoti! Sot do të mbushte 10 vjeçe por Zoti me plotfuqishmërinë e tij e mori, ashtu siç na e dha… Dikush mund të thotë, po ky pse na e tregon dhimbjen e tij? Nuk e postova për këtë, por desha të krenohem me dhuratën që na e dha Zoti për 19 muaj dhe njëkohësisht t’ju tërheq vëmendjen se kushdo dhe kurdo mund të sprovohet, me të afërmit etij. Se nuk ikën domosdoshmërisht, plaku para të riut, i sëmuri para të shëndetshmit dhe prindi para fëmijës…Askush nuk është i përjetshëm në këtë jetë. Të Zotit jemi dhe tek Ai kthehemi. Qofsh lule e Xhenetit Sofia jeme!”/revistawho.com
https://www.instagram.com/p/BYq8Md-BK43/?hl=en&taken-by=sidritbejleri
