Skandal, Vladimir Putin dyshohet për pedofili

Ekziston një video në të cilën Vladimir Putin puth një fëmijë në bark dhe hetimet për vdekjen e ish-spiunit të KGB-së Aleksander Litvinenko, kanë ndezur debatin tani nëse Presidenti i Rusisë është apo jo pedofil. Sipas mediave britanike, Litvinenko pretendonte se ka ekzistuar në video një marrëdhënie pedofilie e presidentit rus, shkruan “Panorama”. Pretendimet ai i kishte publikuar në një blog të tijin në ueb. Por këto pretendime citohen edhe në dosjen hetimore të Sir Robert Owen, i cili publokoi raportin që lidh emrin e Putinit me vrasjen e ish spiunit. Litvinenko deklaronte se filmimi i Putin duke abuzuar një fëmijë ishte kryer në kohën kur ky i fundit ishte ende student. Por në dosjen hetimore thuhet se Litvinenko ka pranuar që filmimi është shkatërruar prej Putinit dhe ndoshta kjo ka bërë që ai të arratisej prej Rusisë drejt Britanisë së Madhe.“Publiku është i tronditur. Askush nuk mund ta kuptojë gjestin e presidentit rus që puthi në bark një fëmijë të mitur dhe të panjohur. Shpjegimi mund të gjehet nëse shohim me kujdes në të shkuarën e tij. Pasi u diplomua në Institutin Andropov, ku përgatiten oficerët e shërbimit sekret, Putin nuk u pranua në shërbimin e inteligjencës ndërkombëtare, por u dërgua në një pozicion më të ulët në Direktoratin e Leningradit. Kjo ishte një goditje e rëndë për një të diplomuar në Andropov dhe që fliste rrjedhshëm gjermanishten. Por eprorët e tij mësuan se Putin ishte një pedofil dhe kështu thonë edhe disa të tjerë që e kanë njohur atë gjatë periudhës kur ishte student në Institut”, shkruante Litvinenko.