Viti që po lëmë pas, ka qenë i mbushur me lajme ‘të zeza’ për kronikën rozë. Arratisja e Stresit nga komisariati numër tre dhe më pas jeta e tij në arrati, morën për javë të tëra vëmendjen e shtypit, televizionit dhe agjencive online.
Përballja e ashpër verbale mes Bleona Qeretit dhe Iva Tiços ishte një tjetër temë diskutimi për median rozë.
Sakaq Fjolla Morina, ishte një tjetër këngëtare që u përfshi këtë vit në një skandal mediatik. Pas lindjes së vajzës së dytë, babai i foshnjës e ka rrahur dhe fyer në publik këngëtaren nga Kosova, sepse ajo i kërkoi të merrte përgjegjësitë mbi vajzën.
Ndërkaq muaji i fundit, bëri pjesë të një konflikti fizik dy kantautorët e njohur Florian Mumajesi dhe Ernest Duka, i njohur nga të gjithë si Stine. Sherri që nisi për motive banale gjatë natës finale të “Kënga Magjike” përfundoi duke i shkaktuar një të çarë në portret producentit Mumajesi. Histori të tjera të përfolura gjatë këtij viti si sherre kanë qenë edhe ato mes Capital T dhe Agon Amigës, apo mes Laert Vasilit dhe Gert Ferrës.
