Filmi “Sofia” me regji të Eduart Grishajt është shpallur filmi më i ndjekur në kinema gjatë vitit 2022. Cineplexx Albania bën të ditur se “Sofia” ka shitur 24,510 bileta. Edhe pse doli në nëntor, ky film në një kohë kaq të shkurtër arriti të ishte kryefjalë për javë me rradhë dhe vazhdon të jetë. Filmi vjen nën interpretimin e të madhes Tinka Kurti, si dhe të aktorëve Adem Karaga, Rita Gjeka, Çun Lajçi e Alfred Trebicka. “Sofia” tregon ngjarje që vendosen sa nga e kaluara në të tashmen, që nga Lufta e Dytë Botërore, teksa një grua shqiptare në moshë nga veriu i Shqipërisë mirëpret në shtëpi një të plagosur, ushtar jugosllav, që po kthehej nga luftimet, i cili qëllon të jetë edhe vrasësi i birit të saj; e deri tek vizita që mbesa e komandantit të plagosur, bën në Shqipëri vite më vonë. Regjisori Grishaj është shprehur se filmi vjen i bazuar ne nje histori te vërtetë dhe është frymëzuar nga At Zef Pllumi. Përmes një videoje në Instastory, Arbana, e cila gjithashtu luan në këtë film, ka falenderuar të gjithë që e kanë bërë filmin “Sofia” më të ndjekurin dhe ka zbuluar se në datë 1 janar vjen një surprizë!
