Edhe pse në periudhë pandemie, edhe këtë vit festa për Natën e Bardhë nuk mungoi. Ndryshe nga herët e tjera koncerti u realizua pa publik, pa duartrokitje, pa brohorima, por artistët arritën t’i përcjellin emisionet dhe kjo ishte një provë edhe për ta. Publiku ndoqi të gjithë performancat e artistëve virtualisht nga shtëpia dhe kjo ishte gjithsesi një lloj duartrokitjeje. Ishte një koncert feste, i 29 nëntorit më të pazakontë dhe po aq të pazakonta ishin edhe dy prej artistëve që i ngjitën dje në skenë: Soni Malaj dhe Dafina Zeqiri. Larg klasikes kuqezi të flamurit, e kuqja flakëruese e të dyjave dha një efekt të jashtëzakonshëm, shtuar dhe performancën live, ishin pika kulmore e koncertit, që këtë vit më shumë se kurrë kish nevojë për energji dhe dy vajzat i vunë flakën skenës.
Soni dhe Dafina performuan live disa nga këngët e tyre më të njohura dhe duhet thënë që ndonëse na mungojnë koncertet në sheshe, ky koncert virtual na solli po të njëjtat emocione.
