Sonila Meço prej vitesh është një nga figurat kryesore të ekranit shqiptar dhe pavarësisht se koha ka kaluar ajo ka mundur të qëndrojë e fortë në tregun e egër mediatik. Pavarësisht se janë bërë 18 vite që ajo është prezente në ekran, Sonila vazhdon ta dojë punën e saj me po të njëjtin pasion njësoj si në ditën e parë. Sot gazetarja është kthyer pas në kohë dhe ka kujtuar eksperiencën e saj të parë televizive. Për të gjithçka ka nisur nga televizioni “Klan” si spikere dhe këtë vazhdon ta kujtojë me shumë nostalgji. Sonila ka publikuar në ‘Instagram’ një foto të vitit 2001, në të cilën shihet se në portretin e saj nuk ka ndryshuar thuajse asgjë. Ajo vazhdon të ruajë të njëjtën freski dhe pamje të kuruar edhe sot e kësaj dite.
Për këtë fakt ajo është komplimentuar edhe nga ndjekësit e saj, të cilët shprehen se e mbajnë mend shumë mirë që nga ato vite dhe se si koha ka ndalur për të. Kujtojmë se tashmë Sonila është pjesë e “RTV Ora” në të cilin drejton emisionin e saj “Tempora”. /revistawho.com
