Briken Calja ka arritur sot rezultat historik duke u shpallur kampion botë në peshëngritje për moshën deri në peshën 73 kilogramë.
Calja garonte së bashku me Erkan Qerimajn në këtë peshë.
Erkand Qerimaj në njërën nga provat e tij
Të dy ishin në garë që të kurorëzohen me medalje në këtë garë në stilin e shkëputjes.
Qerimaj realizoi provën e parë me 150 kg, mirëpo më pas nuk arriti të çoi dot të dytën me peshën 153 kg. Ai realizoi të tretën, por u rendit pas rusit Petrov, në vendin e katërt vetëm për shkak të peshës trupore më të vogël të kundërshtarit.
Ndërkaq, Calja realizoi me sukses provën e parë 152 kilogramë si dhe të dytën 154 kilogramë, duke qenë në garë për medaljen e artë me tajlandezin Jeram. Ky i fundit gaboi provën e fundit dhe i dha mundësinë Caljes i cili nuk gaboi në peshën 156 kilogram duke u shpallur kampion bote në shkëputje duke shkruar historinë për Shqipërinë./revistawho.com
