Spikerja “topless”: Nuk pozoj nudo as për “Playboy”, nga puna ika se më jepnin 25 mijë lekë

Enki Bracaj duket një femër pa komplekse dhe krejt e lirshme derisa sa ka pranuar të japë lajmet pa reçipeta me gjoksin gjysëm zbuluar. Mirëpo nuk është tamam kështu. Ish –spikerja e “Zjarr Tv” ka thënë se nuk do të pozonte kurrë nudo, as për një revistë të fuqishme si “Playboy”. Në një prononcim për suplementin “Bluetooth” 21- vjeçarja shprehet se asnjë lloj shifre nuk do ta tundonte. “Nuk ka asnjë shumë, sado e majme të jetë, që të më zhveshë nudo. As për “Playboy” nuk do të pranoja të pozoja nudo”, tha Enki. Ndërkaq ajo është larguar nga puna e saj si folëse lajmesh. Në një intervistë për “Panorama”, Enki ka rrëfyer se ka ikur nga puna me dëshirë, pasi paga ishtë shumë e ulët. “Arsyeja pse mora këtë vendim ishte pagesa e ulët, vetëm 25 mijë lekë në muaj, që janë shumë pak për një personazh televiziv. Për më tepër që më duhet të shpenzoja para plus për grimin dhe rregullimin e flokëve, sepse televizioni nuk i ofronte këto shërbime”, tha Bracaj. Ajo po pret që të nisë një karrierë jashtë duke filluar nga “Playboy”, por ende nuk dihet diçka konkrete.