Disa ditë më parë ju njoftuam se “Spitali Amerikan” do të finalizojë realizimin e implanteve kokleare për pacientët e lindur me probleme në dëgjim. Në bashkëpunim me Fondacionin Liechtenstein-Medel në partneritet me Universitetin e Vjenës, Austri, “Spitali Amerikan” ka nënshkruar marrëveshjen e rëndësishme për t’i ardhur në ndihmë pacientëve me probleme dëgjimi. Këta pacientë do të përfitojnë falas këtë mundësi të shumëpritur për t’iu rikthyer sërish jetës normale dhe dëgjimit të plotë. Ekipi i specializuar i mjekëve në “Spitalin Amerikan”, në bashkëpunim me kirurgët e shquar të Universitetit të Vjenës, do të realizojnë dhe dhurojnë 5 implante kokleare. Por nuk mbaron me kaq. Ky spital për të vazhduar më tej ndihmën në realizimin e implanteve për të tjerë fëmijë që nuk dëgjojnë, ka organizuar edhe një koncert bamirësie. Emra artistësh të mëdhenj si Maria Jose Siri, Josif Gjipali, Kastriot Tusha, Rona Nishliu, Mario Karaj, Dren Abazi e Sindi Mamaqi do të performojnë në datën 27 janar, në orën 20:00 në “Pallatin e Kongreseve”. Të gjitha të ardhurat nga biletat e shitura do të shkojnë për kauzën. Nëse edhe ju dëshironi të jepni kontributin tuaj që edhe të vegjëlit të dëgjojnë tinguj të bukur, por gjithashtu të shijoni një koncert artistësh të mëdhenj, kontaktoni në numrin 068 28 88 088 për të bërë blerjen e biletës tuaj tek Hotel Rogner, pranë Pallatit të Kongreseve./ revistawho.com
