Princ Harry dhe Princ William kanë zbuluar sot statujën në nder të mamasë së tyre, Princeshës Diana. Me një ceremoni private në Pallatin Mbretëror është përkujtuar 60-vjetori i lindjes së Princeshës, me një statujë bronzi me patinë blu-gri. Statuja tregon Princeshën Diana rrethuar me tre fëmijë. Sipas Pallatit Kensington, statuja reflekton pamjen e Dianës dhe stili e saj të të veshurit në vitet e fundit të jetës.
Statuja bashkoi në këtë mënyrë dy vëllezërit, Harry dhe William, pasi ishin ata që hoqën mbulesën.
“Sot, në ditën kur do të ishte 60-vjetori i nënës sonë, ne e kujtojmë atë me dashuri për karakterin dhe vlerat që e bënë atë një forcë në të gjithë botën, duke ndryshuar jetë të shumta për mirë. Do donim shumë të ishte akoma me ne dhe shpresojmë që kjo statujë të shihet përgjithmonë si simbol i jetës së saj dhe trashëgimisë”-thanë William dhe Harry.
View this post on Instagram
